Lagundi

Ang lagundi o 'Vitex negundo' ay isang halamang-gamot sa Pilipinas. Ito ay tinatawag na dangla sa rehiyon ng Ilokos, at kinikilalang five-leaved chaste tree sa Ingles. Ang lagundi ay isa sa sampung epektibong herbal na gamot na rekomendado ng Department of Health (DOH). Ang lagundi ay karaniwang ginagamit na panlunas sa sakit tulad ng sipon at trangkaso, pharyngitis, chronic bronchitis, at bronchial asthma.

Ang lagundi ay halaman na maaaring tumubo hanggang sa taas ng limang metro. Ang lagundi ay may mga dahon na sumasanga sa limang maliliit na dahon.Ang bawat dahon ay may haba na apat hanggang sampung sentimetro. Ang mga bulaklak ng lagundi ay kulay asul o lila at may habang anim hanggang pitong milimetro. Ito ay bumubunga ng prutas na apat na milimetro ang laki at kulay itim kapag hinog.

Ayon sa mga pagsusuring phytochemical ng Department of Science and Technology, ang lagundi ay may Chrysoplenol D, isang sangkap na may mga katangiang antihistamine at muscle relaxant. Ito rin ay may isoorientin, casticin, at luteolin-7-0-glucoside na may epektong kasintulad ng antihistamine. Ang lagundi rin ay may cooling effect na nakapagtatanggal ng pamamaga sa katawan.

Ang mga dahon, bulaklak, buto at ugat ng lagundi ay ginagamit sa panggagamot. Ang mga ugat ng lagundi ay ginagamit sa paggagamot ng rayuma, dispepsya o ang pananakit ng tiyan dulot ng hindi pagkatunaw ng kinain, pigsa, bulate, kabag ng tiyan, at ketong. Ang mga ugat ng lagundi ay ginagamit namang lunas sa sakit sa puso at atay, pati na rin sa pagtatae at kolera. Ang mga dahon ay ginagamit din sa pagpaparami ng produksyon ng gatas ng ina. Ang dahon din ay maaaring gamitin sa pag-udyok ng regla.

Pakuluan ang dahon ng lagundi sa dalawang tasang tubig sa loob ng 10 hanggang 15 minuto. Inumin ang kalahating tasa tatlong beses sa isang araw.
Para sa sugat o sakit sa balat, pakuluan ang mga ugat and dahon ng lagundi sa tubig at ipahid sa balat. Maaari rin itong pagbabaran sa pagligo.
Para pigilan ang pagkalat ng lason dulot ng kagat ng ilang hayop, pakuluan ang mga buto ng lagundi at kainin.
Para sa lagnat, pagtatae, sakit sa atay at kolera, pigain ang mga bulaklak ng lagundi at inumin ang katas.

The Miracle Fruit

The Miracle Fruit: A Shocking Discovery that Will Shake the Foundation of Medicine Industry
Akalain mong ang bunga ng sayote pala ay isang napaka bisa at effective na panlaban sa pina ka traydor na sakit na siyang isa sa pinaka malaking killer cause sa asia, personal ko itong napatunayan ng ipasubok ito sa akin ng aking mother, hindi ako naniniwala at pilit na uminom lang para wala matapos ang diskusyon, pero nakaka gulat ang resulta. ang napakataas na blood preasure ay maari nitong pababain at gawin regular. matapos ako uminom nito. para akong nanlalata at nanghihina. pag nag dumi ako ay kulay green, at pakiramdam ko pagod na pagod ako,. normal lang daw naman ito sabi ng aking ,mother, na ayon sa kanya simula ng ginagawa niya ang pag inom ng pinakuluuang sayote juice, bumababa ang kanyang high blood preasure.narito ang isang pinaka sikat na review sa gulay na ito.. 

SALUYOT

Corchorus Olitorius is also known as Jut Leaves in Bangladesh and are being used as vegetables in Africa, Middle East, and Southeast Asia. It is also used as Herbal Medicine to control or prevent dysentery, worm, constipation, and others.
Japan has been importing dry Jute leaf from Africa and Philippines and they are using it as substitute to coffee or tea, as health food, and as anti-oxidant and anti-stress. It is rich in Vitamins, carotinoids, calcium, potassium, and fibers. It is also rich in anti tumor promoter - phytol and monogalactosyl diacyglycerol. Study shows potential to reduce cancer.
Medicinal Qualities:
* Effective demulcent - soothing agent that relieves irritations
* Tonic - increase vigor, liveliness and feeling of well being.
* Carminative - relieves tulence
* Lactagogue - aids in lactation or milk production of lactating mothers
* Purgative
* Prevent UTI, Cystitis, and dysuria
* Diuretic
* Reduce risk of cancer, tumor and ascitis
* Good remedy for dysentery enteritis, dyspepsia, fever, and pectoral pains.

AMARANTHUS SPINOSUS

Amaranthus Spinosus, also called pigweeds comprise the genus amaranthus, a widely distributed genus of short lives, occurring mostly in temperate and tropical regions. Amaranthus greens, also called Chinese spinach, hinn choy or yin tsoi. Chinese have been using this herb for centuries as remedy for profuse menstruation.
They are also a very good source of vitamins,including Vitamin A, Vitamin B6, Vitamin C, foliate, dietary fiber, and dietary minerals including calcium, iron, magnesium, phosphorus, potassium, zinc, copper and manganese. The power leaves yield tannin, some including sugar and resin but no alkaloid.
Medicinal Benefits:
* Agood expectorant
* Anti-febrile - an effective liquid bonds diarrhea
* Hemostatic - astringent for stopping bloody stools and excessive menstruation
* Diuretic - aids in urination
* An excellent wash for skin problem such as acne, eczema, psoriasis and hives
* Used as douche for vaginal discharge
* Excellent wash for sore mouth, gums, teeth, throat and rectal sores.
* Locally, it has been reported that a concoction of the root relieve one's breathing from acute bronchitis

DAHON NG SILI

An excellent source of iron and calcium. A good source of phosphorus, Vitamin A, and Vitamin B. Long used as food spice and an aid in digestion. Scientist has concluded that Capcicum does possess Fibrinolytic activity, meaning that it is able to breakdown blood clots. Researchers have also discovered that Capcicum could help control some type of phronic pains. The active ingredient in capsicum is a compound call CAPSAICIN which is a cardiovascular stimulant. Capsaicin acts as a dramatic and long lasting anesthetic.
Medicinal Qualities:
* Anti-fatigue
* Boost immunity
* Improves metabolism
* Aphrodisiac
* Increase appetite
* Benefits digestion
* Blood detoxification
* Circulatory stimulant
* Lowers blood sugar
* Lowers cholesterol
* Lowers blood pressure
* Relieves the pain of peptic ulcer, arthritis, varicose veins, menstrual cramps, and rheumatism
* Relieves respiratory conditions such as asthma, cough and colds.
* Digestive aid to ease intestinal inflammation

SAMBONG

Ang sambong ay isang maliit na halaman na may mapayat ngunti matigas at mala-kahoy na katawan at nababalot ng mabalahibong dahon. Ang bulaklak ay tumutubo nang kumpol-kumpol sa isang sanga. Ito’y karaniwang tumutubo sa mabababang lugar at mga bakanteng lote sa ilang mga bansa sa Asya, kabilang na ang Pilipinas.

ANO ANG MGA SUSTANSYA AT KEMIKAL NA MAAARING MAKUHA SA SAMBONG?

Ang iba’t ibang bahagi ng halamang sambong ay maaaring makuhanan ng maraming uri ng kemikal at sustansya na maaaring may benepisyo sa kalusugan:
Ang halaman na sambong ay mayroong volatile oil, l-borneol, l-camphor, limonene, saponins, sesquiterpene at limonene, tannins, sesquiterpene alcohol, palmitin, myristic acid.
Mayroon din itong flavonoids, terpenes (borneol, limonene, camphor, a-pinene, b-pinene, 3-carene, sesquiterpenes, monoterpenes, triteroenes, at cryptomeridiol), lactones (blumealactone A, B, C)

ANONG BAHAGI NG HALAMAN ANG GINAGAMIT BILANG GAMOT, AT PAANO GINAGAMIT ANG MGA ITO?

Maaaring gamitin bilang gamot ang ilang bahagi ng halaman tulad ng:
Dahon. Ang dahon ng sambong ang bahagi ng halaman na madalas na ginagamit bilang gamot. Kadalasang nilalaga ito at iniinom na parang tsaa o kaya’y hinahalo sa tubig na pinangliligo. Maaari din itong dikdikin at ipantapal sa ilang kondisyon sa katawan.
Ugat. Maaari din gamitin sa panggagamot ang ugat ng sambong. Inilalaga ito at iniinom din na parang tsaa.
ANO ANG MGA SAKIT NA MAAARING MAGAMOT NG SAMBONG?

1. Sugat. Maaaring ipantapal ang dinikdik na dahon ng sambong sa sugat na hindi madaling maghilom. Makatutulong ito upang mapabilis ang paggaling sa sugat.

2. Lagnat. Dapat namang inumin ang pinaglagaan ng dahon at ugat ng sambong upang mapababa ang lagnat na nararanasan.

3. Karamdaman sa bato. Ang pag-inom din sa pinaglagaan ng dahon ng sambong ay mabisa upang mapabuti ang kondisyon ng mga bato o kidney. Tumutulong ito sa tuloy-tuloy na daloy ng pag-ihi.

4. Rayuma. Mabisa naman para sa kondisyon ng rayuma ang pagbabad sa bahagi ng katawan na nananakit sa tubig na pinaglagaan ng dahon ng sambong.

5. Sinusitis. Iniinuman din ng pinaglagaan ng dahon ng sambong ang kondisyon ng sinusitis upang mapabuti ang pakiramdam.

6. Sipon. Ang regular naman na pag-inom sa tsaa na nagmula sa dahon ng sambong ay mabisa upang mawala ang mga sintomas ng sipon.

7. Sakit ng ulo. Pinagtatapal sa noo ang dahon ng sambong kung sakaling makaramdam ng pananakit sa ulo.

8. Hika. Mabisa pa rin ang tsaa ng sambong para sa kondisyon ng hika.

HALAMANG GAMOT: BAYABAS

Ang bayabas ay kilalang halaman lalo na dahil sa bunga nito na paborito ng maraming Pilipino. Ginagamit ang ilang bahagi ng halamang ito particular ang dahon bilang panggamot sa ilang mga karamdaman. Karaniwan naman itong tumutubo sa iba’t ibang lugar sa kapuluan ng Pilipinas.

ANO ANG MGA SUSTANSYA AT KEMIKAL NA MAAARING MAKUHA SA BAYABAS?

Ang iba’t ibang bahagi ng halamang bayabas ay maaaring makuhanan ng maraming uri ng kemikal at sustansya na maaaring may benepisyo sa kalusugan:
Ang halaman ng bayabas ay makukuhanan ng mga kemikal na alkaloids, flavonoids, glycosides, polyphenols, reducing compounds, saponins at tannins.
Ang dahon ay mayroong alkaloids, anthocyanins, carotenoids, essential oils, fatty acids, lectins, phenols, saponins, tannins, triterpenes, and vitamin C. Mayroon pa itong ß-sitosterol, maslinic acid, at flavonoids.
Ang bunga naman ay may taglay na glykosen, saccharose, protein, at iba pa. Mayaman din ito sa Vitamin C.
Ang ugat at balat ng kahoy ay parehong may mataas na lebel ng tannins

ANONG BAHAGI NG HALAMAN ANG GINAGAMIT BILANG GAMOT, AT PAANO GINAGAMIT ANG MGA ITO?

Maaaring gamitin bilang gamot ang ilang bahagi ng halaman tulad ng:
Dahon. Ang dahon ay malimit gamitin na panggamot sa ilang mga karamdaman. Maaari itong ilaga at ipainom sa may sakit na parang tsaa. Maaari ring tadtarin ang dahon upang mas madaling makuhanan ng katas. Maaari ding ipanguya lamang ang murang dahon ng bayabas at gamitin ang nanguyang dahon bilang gamot. Maaari ring ipang tapal ang dinikdik na dahot sa mga apektadong bahagi ng katawan.
Bunga. Ang bunga ng bayabas ay maaaring kainin lamang o lutuin at isangkap sa ilang mga putahe.
Balat ng kahoy. Pinakukuluan ang balat ng kahoy upang ipang mumog o ipanghugas.
Ugat. Inilalaga din ang ugat ng bayabas kasama ng iba pang bahagi ng halaman upang magamit bilang gamot.
Bulaklak. Ang bulaklak din ay maaaring isama sa paglalaga ng ilang mga bahagi ng halaman.

ANO ANG MGA SAKIT NA MAAARING MAGAMOT NG BAYABAS?

1. Ulcer. Ang pagkakaroon ng ulcer sa sikmura ay matutulungang mapagaling nang mas mabilis sa tulong ng pag-inom ng pinaglagaan ng dahon ng bayabas.

2. Sugat. Mabilis din ang paghilom ng mga sugat kung tatapalan ng dinikdik na dahon ng bayabas. Mahusay din ang paghuhugas sa sugat gamit ang pinaglagaan ng sariwang dahon.

3. Pananakit ng ngipin. Maaaring nguyain ang murang dahon ng bayabas upang mabawasan ang pananakit ng ngipin. Dapat ding isiksik sa bulok na ngipin ang nginuyang dahon.

4. Pagtatae. Makatutulong ang pag-inom sa pinaglagaan ng tinadtad na dahon ng bayabas, o kaya pinaglagaan ng ugat at balat ng kahoy ng bayabas. May bisa din ang pinaglagaan ng murang bulaklak ng bayabas.

5. Pamamaga ng gilagid. Ang pamamaga naman ng gilagid ay maaring mapahupa ng pagmumumog sa pinaglagaan ng ugat at balat ng kahoy ng bayabas. Makatutulong din ang pagnguya ng murang dahon ng bayabas.

6. Rayuma. Ang pagtatapal ng dinikdik na dahon ng bayabas sa mga apektadong bahagi ng katawan ay makababawas sa pananakit dulot ng rayuma.

7. Hirap sa pagdumi. Ang bunga ng bayabas na ginawang jelly ay makatutulong sa pagpapadalit ng pagdumi.

8. Epilepsy. Ang katas ng dinikdik na dahon ng bayabas ay mabisa din sa pagpapahupa ng sintomas ng epilepsy.

9. Bagong tuli. Kilalang ginagamit ang pinagnguyaan ng dahon ng bayabas sa mabilis na pagpapagaling ng sugat sa bagong tuli.

10. Bagong panganak. Ginagamit din ang pinaglagaan ng dahon ng bayabas sa paghuhugas sa puerta ng babae na bagong panganak. Makatutulong ito sa mas mabilis na paghilom ng sugat.

Ampalaya

ng Ampalaya (Bitter Melon o Bitter Gourd) na may scientipikong pangalan na Momordica charantia ay isa sa 10 halamang gamot na kinikilala ng Kagawaran ng Kalusugan (DOH – Department of Health) ng Pilipinas, mayaman sa bitamina A, B at C, folic acid, calcium, phosphorous at iron. Katulad ng iminumungkahi ng pangalan sa English ito ay may mapait na lasa dahil sa taglay nitong Momordica. Ito ay ginagamit na gamot mula pa sa mga ninunong tao na nagpasalin-salin na ng ilang saling lahi at napatunayang mabisa ng ilang pag-aaral at pagsasaliksik sa buong mundo. Kilala ito bilang lunas sa napakaraming karamdaman ngunit isa sa pinaka makabuluhang pinag-gagamitan nito ay ang Dyabetes. Nakatutulong ito na makalikha ang pranceas ng Insulin na siyang namamahala ng asukal sa dugo dahil sa nilalaman nitong flavanoids at alkaloids. Maliban sa kilalang lunas sa dyabetes at problema sa atay ito ay ginagamit ding mapagpipiliang gamot laban sa HIV.

Ang Ampalaya ay antioxidant at kilala din bilang panlaban sa bakteriya, antipirina, parasiticide at nakakatulong din itong makadagdag sa immune system upang labanan ang impeksyon.

Gamit bilang lunas sa mga sumusunod:

Dyabetes
Problema sa atay
Rayuma
Gota
Pagtatae
Sakit sa ulo
Tumutulong sa paglinis at paggaling ng mga sugat at paso
Ubo
Lagnat
Bulate sa tiyan
Tumutulong sa pagpigil ng ilang uri ng kanser.

Paghahanda:

Ang Kagawarang ng Kalusugan (DOH - Department of Health) ng Pilipinas ay may iminumungkahing paraan kung paano ang paghahanda ng katas ng Ampalaya.

Hugasan at hiwain ng maliliit ang dahon.
Ihalo ang anim na kutsara ng ginayat na dahon sa dalawang baso ng tubig o 2 basong ginayat na dahos sa 4 na basong tubig.
Pakuluan ang pinaghalo sa loob ng 15 minuto sa isang kaserolang walang takip.
Hayaan itong lumamig at salain.
Uminom ng 1/3 tasa ng sulusyon 30 minuto bago kumain, tatlong beses isang araw.
Maaari ding pasingawan at kainin ang talbos ng Ampalaya (1/2 tasa, 2 beses isang araw)

Kung gagamiting sa pag purga, painumin ng marami.

Upang magamit sa sugat, sakit sa balat at paso, painitin ang dahon at itapal sa bahaging apektado.

GUYABANO

Ang guyabano ay kilala dahil sa bunga nitong masabaw at paboritong kainin ng mga Pilipino. Ito ay may balat na kulay berde at may tusoktusok, habang ang laman naman nito ay maputi at masabaw. Ang puno ay may katamtaman lamang na laki at ang dahon ay makinis. Tumutubo ito sa maraming lugar sa mundo partikular sa Timog Amerika at Timog Silangang Asya kabilang na ang Pilipinas.

ANO ANG MGA SUSTANSYA AT KEMIKAL NA MAAARING MAKUHA SA GUYABANO?

Ang iba’t ibang bahagi ng halamang guyabano ay maaaring makuhanan ng maraming uri ng kemikal at sustansya na maaaring may benepisyo sa kalusugan:
Ang mga pangunahing substansya na taglay ng guyabano ay tannins, steroids and cardiac glycosides.
Ang dahon ay makukuhanan ng langis; myricyl alcohol, sitosterol, at fatty acids gaya ng oleic, linoleic, at stearic acids. Mayroon din itong lignoceric acid at anolol
Ang bunga ay may saccharose, dextrose, at levulose.
Ang balat ng kahoy ay mayroong acetogenin, solamin at triterpenoids, stigmasterol at sitosterol
ang buto ay may taglay na lactones, annomonicina, annomontacina, annonacina, annomuricatina, annonacinona, javoricina
Ang katas at laman ng bunga ay mayroon pang carbohydrate, fiber, retinol, ascorbic acid, flavonoids, at tannin

ANONG BAHAGI NG HALAMAN ANG GINAGAMIT BILANG GAMOT, AT PAANO GINAGAMIT ANG MGA ITO?

Maaaring gamitin bilang gamot ang ilang bahagi ng halaman tulad ng:
Dahon. Ang dahon ay kadalasang pinapakuluan at pinapainom sa maysakit. Maaari din itong dikdikin at ipantapal sa ilang kondisyon sa katawan.
Bulaklak. Maaaring ilaga ang bulaklak at ipainom sa taong may sakit.
Bunga. Ang hilaw na bunga ay karaniwang kinakatasan upang gamitin bilang gamot. Ang sabaw naman ng hinog na bunga ay mabisa rin sa ilang mga kondisyon. Maaari ding gamitin ang laman ng guyabano bilang pantapal sa ilang mga kondisyon sa katawan.

ANO ANG MGA SAKIT NA MAAARING MAGAMOT NG GUYABANO?

1. Pagtatae. Ang hilaw na bunga ng guyabano ay maaaring gamitin para sa kondisyon ng pagtatae. Maaari din gamitin ang katas ng hinog na bunga ng guyabano.
2. Lisa at kuto. Ang paghuhugas sa ulo na apektado ng lisa at kuto gamit ang pinaglagaaan ng dahon ng guyabano. Mabisa rin ang paggamit sa pinulbos na buto ng guyabano.
3. Pamamanas ng paa. Maaaring ipantapal o ipang hugas ang pinaglagaan ng dahon upang mapahupa ang pamamaga ng paa.
4. Eczema. Ang implamasyon sa balat ay maaari ding mapahupa sa tulong ng pagtatapal ng dinikdik na dahon ng guyabano.
5. Rayuma. Mabisa para sa pananakit ng mga kasukasuan ang pagpapahid ng langis mula sa dahon ng guyabano at hilaw na bunga nito.
6. Diabetes. Makatutulong para sa sakit na diabetes ang pinaglagaan ng ugat, balat ng kahoy at dahon ng guyabano.
7. Kanser. May ilang pag-aaral na isinagawa na nagpapatunay na mabisa ang katas ng bunga ng guyabano, pati na ang pinaglagaan sa pagpigil ng pagkalat ng cancer cells sa katawan.
8. Sipon. Ang matinding pagtulo ng sipon ay maari namang malunasan ng pag-inom sa pinaglagaan ng dahon ng guyabano. Maari din gamitin ang bulaklak para sa kaparehong epekto.

KALACHUCHI

Ang kalachuchi ay karaniwang puno na nakikitang nakatanim bilang halamang ornamental sa mga parke at plaza. Ito ay punong may katamtamang taas lamang ay namumulaklak ng maputi, madilaw, o mapusyaw na kulay at may angking halimuyak na kaayaaya. May dahon ito na makapal at mayaman sa dagta. Ito ay tumutubo saan mang lugar sa bansa at sa buong mundo, ngunit orihinal na nagmula sa bansang Mexico.

ANO ANG MGA SUSTANSYA AT KEMIKAL NA MAAARING MAKUHA SA KALACHUCHI?
Ang iba’t ibang bahagi ng halamang kalachuchi ay maaaring makuhanan ng maraming uri ng kemikal at sustansya na maaaring may benepisyo sa kalusugan:
Ang balat ng kahoy ay mayroong plumierid, isang uri ng glucoside na may mapait na lasa.
May taglay naman na resins, caoutchouc at calcium salts ng plumieric acid, at cerotinic acid at lupeol sa dagta nito.
Ang buong halaman ay makukuhanan ng steroids, flavanoids, tannins, alkaloids, and glycosides.
Ang pinatuyong dahon ay may alkaloids, cyanogenic glycosides, phenolic compounds, flavonoids, terpenoids, tannins, at saponins.

ANONG BAHAGI NG HALAMAN ANG GINAGAMIT BILANG GAMOT, AT PAANO GINAGAMIT ANG MGA ITO?

Maaaring gamitin bilang gamot ang ilang bahagi ng halaman tulad ng:
Balat ng kahoy. Ang balat ng kahoy ng kalachuchi ay nilalaga at pinapainom sa taong may karamdaman o kondisyon. Maaari ding dikdikin ang balat ng kahoy at ipantapal sa ilang kondisyon sa balat.
Bulaklak. Ang mahalimuyak na bulaklak ng kalachuchi ay nilalaga din upang magamit sa panggagamot.
Dahon. Ang dahon ay maaaring ilaga at inumin na parang tsaa, o kaya naman ay dikdikin at gamiting pantapal sa apektadong bahagi ng katawan.
Dagta. Ang malagkit na dagta na nakukuha sa mga sanga, dahon, at iba pang bahagi ng halaman ay ginagamit na pampahid sa ilang kondisyon sa katawan. Maaari din itong ihalo sa langis bago ipahid.

ANO ANG MGA SAKIT AT KONDISYON NA MAAARING MAGAMOT NG KALACHUCHI?

1. Problema sa pagreregla. Ginagamit ang pinaglagaan ng balat ng kahoy o kaya ay dagta ng kalachuchi sa pagkakaroon ng problema sa daloy ng dugo tuwing may buwanang dalaw. Makatutulong ang paggamit sa kalachuchi upang mas mapabuti ang pakiramdam.
2. Impeksyon ng bulate. Maaaring gamitin ang balat ng kahoy sa ugat ng puno upang puksain ang mga bulate sa tiyan. Ito’y nilalaga at iniinom na parang tsaa.
3. Galis. Mabisang makagagamot sa galis sa balat ang paghuhugas sa apektadong bahagi ng katawan ng pinaglagaan ng balat ng kahoy ng kalachuchi.
4. Mga bukol at tumor. Ang dinikdik na balat ng kahoy ng kalachuchi ay ipinangtatapal sa bahagi ng katawan na may mga bukol at tumor.
5. Rayuma. Ipinangpapahid sa nananakit na bahagi ng katawan ang dagta ng kalachuchi na hinalo sa langis ng niyog upang mabawasan ang pananakit.
6. Pangangati ng balat. Mabisang pang-alis ng pangangati ng balat ang pagpapahid ng dagta ng kalachuchi.
7. Biyak-biyak na talampakan. Ipinangbababad sa apektadong paa ang pinaglagaan ng dahon ng kalachuchi.
8. Diabetes. Ang pinaglagaan naman ng bulaklak ay maaring ipainom sa taong may sakit na diabetes.
9. Pananakit ng ngipin. Ang pinaglagaan ng balat ng kahoy ay makabubuti sa dumadanas ng pananakit na ngipin. Ipinangmumumog lamang ito.
10. Hika. Ang paghithit sa sinusunog na dahon ng kalatsutsi na parang naninigarilyo ay makatutulong sa dumadanas ng hika.

KATAKATAKA

Scientific name: Bryophyllum pinnatum (Lam.) Oken; Kalanchoe pinnata (Lam.) Pers.

Common name: Katakataka (Tagalog); Miracle plant, Mother of Thousands (Ingles)katakatakaAng katakataka ay isang halaman na may katamtamang taas lamang at kilala sa pagkakaroon ng ugat sa mga dahon. Ang dahon na tinubuan ng ugat ay maaaring itanim at pagtubuan ng bagong halaman. Ito ay may makapal at makatas na dahon at mayroon ding pulutong ng mga bulaklak na nakayuko. Karaniwang tumutubo ito sa maaming lugar sa kapuluan ng Pilipinas at iba pang bansa sa Asya na nasa rehiyong tropiko.

ANO ANG MGA SUSTANSYA AT KEMIKAL NA MAAARING MAKUHA SA KATAKATAKA?
Ang iba’t ibang bahagi ng halamang katakataka ay maaaring makuhanan ng maraming uri ng kemikal at sustansya na maaaring may benepisyo sa kalusugan:
Ang mga kemikal na maaaring makuha sa halamang ito ay alkaloids, triterpenes, glycosides, flavonoids, steroids, butadienolides, lipids, at organic acids. Mayroon pang arachidic acid, astragalin, behenic acid, beta amyrin, benzenoids, bersaldegenin, beta-sitosterol, bryophollenone, bryophollone, bryophyllin, caffeic acid, ferulic acid, quercetin, steroids, at taraxerol.
Ang dahon ay may taglay na bryophyllum A, B at C, at malic acid.

ANONG BAHAGI NG HALAMAN ANG GINAGAMIT BILANG GAMOT, AT PAANO GINAGAMIT ANG MGA ITO?

Maaaring gamitin bilang gamot ang ilang bahagi ng halaman tulad ng:
Ang buong halaman ay maaaring katasan upang magamit sa panggagamot.
Dahon. Karaniwang dinidikdik at kinakatasan ang makapal na dahon ng katakataka upang ipampahid sa mga kondisyon sa katawan. Maaari din itong itapat sa apoy bagi ipantapal sa balat.

ANO ANG MGA SAKIT AT KONDISYON NA MAAARING MAGAMOT NG KATAKATAKA?

1. Kagat ng insekto. Tinatapalan ng dinikdik na dahon ng katakataka ang bahagi ng katawan na may kagat ng insekto. Makatutulong ito upang mawala ang pangangati at iritasyon sa balat.
2. Eczema. Ang kondisyon ng eczema o implamasyon sa balat ay maaaring matulungang ng pagtatapal ng dinikdik na dahon ng katakataka.
3. Sugat. Mas mapapabilis ang paghilom ng sugat sa pamamagitan ng pagtatapal ng dahon ng katakataka na pinadaanan sa apoy. Maaari din itong dikdikin bago ipantapal upag makatulong sa paggaling ng sugat.
4. Pigsa. Ang pigsa ay tinatapalan din ng dahon na bahagyang pinitpit. Maaari din din gamitin dahon na pinadaanan sa apoy.
5. Pagtatae at disinterya. Ang tuloy-tuloy na pagdumi ay maaaring maibsan sa tulong ng pag-inom sa katas ng katakataka na makukuha sa dahon at mga sanga nito.
6. Hika. Ang dahon ay binababad muna sa mainit na tubig sa loob ng 15 minuto bago katasan at inumin para sa kondisyon ng hika.
7. Altapresyon. Mabisang nakapagpapababa ng presyon ng dugo ang pag-inom sa katas ng halamang katakataka.
8. Pananakit ng tenga. Pinapatak naman sa loob ng nananakit na tenga ang katas ng dahon ng katakataka upang guminhawa ang pakiramdam.
9. Pananakit ng ulo. Ipinangtatapal naman ang dahon ng katakataka sa noo at sentido upang mabawasan din ang pananakit ng ulo.
10. Rayuma. Ipinangtatapal din ang dinikdik na dahon ng katakataka sa nananakit na kasukasuan na dulot ng rayuma.

Ang tuba-tuba ay isang halamang gamot

Ang tuba-tuba ay isang halamang gamot na may sayantipikong pangalan na Jotropha curcas, kilala sa Pilipinas bilang isang lunas sa pasa at natapilok na bukong-bukong. Kulay pulang katas ang makukuha sa ugat nito at kulay asul naman sa kanyang balat. Ang isa sa pinaka may pag-asa o inaasahan na parte ng punong ito ay ang kaniyang bunga na maaaring gawing alternatibong pangatong (biofuel).
Ang halamang ito ay lumalaki ng mula sa isa hanggang 8 metro o mahigit pa, may malapad na dahon at may limang umbok, 5 hanggang 8 pulgada ang haba.

Ginagamit na gamot herbal sa:
Pasa
Natapilok (bukong-bukong)

Paano gamitin:
Bilang pantapal:
Gugasan ang dahon
Punasan ng malinis na damit upang matuyo
Painitin sa mahinang apoy, lagyan ng langis, (langis ng niyog), ang iba ay gumagamit ng efficascent oil.
Ilagay sa apektadong bahagi, balutin ng damit o bendahe.

Palitan kung ang dahon ay tuyo o malutong na.

KAALAMAN TUNGKOL SA TUBA BILANG HALAMANG GAMOT
Scientific name: Croton tiglium Linn.; Croton camaza Perr.; Croton glandulosum Blanco; Croton muricatumBlanco
Common name: Tuba (Tagalog); Croton oil plant, Purgative croton (Ingles)

Ang tuba ay isang maliit lamang na puno na kilalang ginagamit bilang halamang gamot. Ang dahon ay malapad, pahaba sa dulo at bahagyang patalim paligid. Ang mga bulaklak ay maliliit lamang din, habang ang bunga ay mala-kapsula na may mga buto sa loob. Karaniwang makikita ang halamang ito sa mababang lugar na malapit sa mga tirahan at bayanan sa Pilipinas.
ANO ANG MGA SUSTANSYA AT KEMIKAL NA MAAARING MAKUHA SA TUBA?
Ang iba’t ibang bahagi ng halamang tuba ay maaaring makuhanan ng maraming uri ng kemikal at sustansya na maaaring may benepisyo sa kalusugan:
Ang ugat ng tuba ay may taglay na tannin.
Ang buto naman ay mayroong langis (croton oil), na may taglay na croton globulin at croton albumin, arginine, at lysine. Mayroon pa itong lipase, invertase, amylase, raffinase at proteolytic enzyme. Maaari ding makuhanan ng crotone resin, tiglic acid, croton oleic acid, stearic, palmitic, myristic, lauric, oenanthrallic, capronic valerianic, butyric, isobutyric, acetic at formic acids. Mayroon din itong tannin.
ANONG BAHAGI NG HALAMAN ANG GINAGAMIT BILANG GAMOT, AT PAANO GINAGAMIT ANG MGA ITO?
Maaaring gamitin bilang gamot ang ilang bahagi ng halaman tulad ng:
Ugat. Karaniwang nilalaga ang ugat upang mainom at makagamot sa ilagn sakit.
Buto. Ang buto ay karaniwang kinukuhanan ng langis na maaaring gamitin na pampahid sa balat.
Dahon. Ang dahon ay karaniwang pinatutuyo bago ilaga, ngunit maaari ding ilaga nang sariwa. Ang pinaglagaan ay maaaring inumin upang makagamot sa ilang kondisyon.
ANO ANG MGA SAKIT NA MAAARING MAGAMOT NG TUBA?
1. Rayuma. Karaniwang nilalaga ang pinatuyong dahon at ugat ng tuba upang maibsan ang pananakit ng kasukasuan dahil sa rayuma.
2. Kagat ng ahas. Maaari ding ipampahid ang dinikdik na dahon ng tuba sa kagat ng ahas upang maiwasan ang pamamaga at iba pang komplikasyon sa sugat.
3. Pilay. Makatutulong naman ang pagtatapal ng dahon na pinahiran ng langis at pinadaanan sa apoy sa pilay at iba pang pananakit sa buto.
4. Bulate sa sikmura. Mahusay rin na pampurga sa mga bulete sa sikmura ang pinaglagaan ng ugat, dahon at balat ng kahoy ng tuba. Maaari ding gamitin ang langis na makukuha sa buto ng tuba.
5. Pigsa. Ang pinitpit na ugat tuba ay mabisang pang alis sa pigsa sa balat. Ito’y ipinangtatapal lamang sa apektadong bahagi ng balat.
6. Eczema. Ang buto rin ng tuba ay maaaring durugin at ihalo sa tubig bago ipampahid sa balat na apektado ng eczema.

ANO ANG MGA SUSTANSYA AT KEMIKAL NA MAAARING MAKUHA SA KALAMANSI?

Ang kalamansi ay isang maliit na puno na may maliliit na mga dahon, puti at mahalimuyak na bulaklak. Ang berde at bilog nitong bunga ay karaniwan at kilalang-kilalang sangkap at pampalasa sa maraming pagkain, sawsawan, at inumin. Ito ay orhinal na nagmula sa Pilipibas,
ANO ANG MGA SUSTANSYA AT KEMIKAL NA MAAARING MAKUHA SA KALAMANSI?
Ang iba’t ibang bahagi ng halamang kalamansi ay maaaring makuhanan ng maraming uri ng kemikal at sustansya na maaaring may benepisyo sa kalusugan:
Ang balat ng kalamansi ay may taglay na aldehydes, sesquiterpenes, beta-pinene, linalool, linelyl acetate, tannin, glucoside, at cyanogenetic substances.
Mayaman din sa Vitamin C ang katas ng bunga.
ANONG BAHAGI NG HALAMAN ANG GINAGAMIT BILANG GAMOT, AT PAANO GINAGAMIT ANG MGA ITO?
Maaaring gamitin bilang gamot ang ilang bahagi ng halaman tulad ng:
Bunga. Ang bunga ng kalamansi ay karaniwang kinakatasan upang makagawa ng inumin na mabisa para sa ilang kondisyon sa katawan. Maaari ding ipampahid sa balat ang katas ng bunga.
Ugat. Karaniwan namang inilalaga ang ugat ng kalamansi upang magamit sa ilang kondisyon.
Dahon. Maaari ding ilaga ang dahon ng kalamansi upang mapakinabangan ng taong may sakit.
ANO ANG MGA SAKIT NA MAAARING MAGAMOT NG KALAMANSI?
1. Tagihawat. Maaaring hiwain lang ang kalamansi at direktang ipahid sa balat na apektado ng pagtatagihawat. Makatutulong ang matapang na katas ng kalamnsi sa pagpuksa ng mikrobyong nagdudulot ng tagihawat.
2. Pangingitim ng balat. Ang pangingitim naman sa balat ay maaari ding masolusyonan ng regular na pagpapahid ng hiniwang kalamansi bago matulog.
3. Ubo. Dapat inumin ang katas ng kalamansi na mayaman sa vitamin C upang matulungan ang sarili laban sa ubo.
4. Sipon. Ang sintomas ng sipon ay maaari ding matulungan ng pag-inom sa sa kalamansi juice na mula sa katas ng kalamansi.
5. Sore throat. Matutulungan din ng katas ng kalamansi na guminhawa ang pakiramdam ng taong dumaranas ng sore throat. Dapat lamang inumin ang katas ng kalamansi bilang kalamansi juice.
6. Altapresyon. Nakakababa naman daw ng altapresyon kung iinom ng pinaglagaan ng dahon ng kalamansi.
7. Pagkahimatay. Maaaring pirisin ang balat ng kalamansi sa tapat ng ilong ng taong hinimatay upang manumbalik ang malay-tao.
8. Bagong panganak. Ang pinaglagaan ng ugat ng kalamansi ay maaaring ipanghugas sa inang bagong silang pa lang.

10 Tips Para Sa Mga Mahirap Pakainin

1. Huwag pakainin ng matatamis dahil masasanay ang dila at hahanapin na nila ang lasa nito gaya ng mga candies o chocolates. Bawal rin ang softdrinks. Pagsinanay mo sa matatamis ay aayawan na niya ang gulay dahil natural na di matatamis ang mga ito.

2. Huwag pagalitan o saktan para lang kumain. Kinakatakutan tuloy niya na darating na naman ang pananghalian o hapunan kaya tuloy hindi nadedevelop ang natural na curiosity o pagkagusto nito sa pagkain. Kailangan ang bata ay matutong kumain sa rason na dahil gutom na siya at hindi dahil papagalitan sila.

3. Kung konte lang ang kinakain, kailangan meroon kang gatas araw-araw upang mahabol ang kulang niya na sustansiya. Dalawa o tatlong baso ng gatas ay napakalaking tulong na.

4. Itabi mo ang anak mo sa ibang bata na malakas kumain para makita niya na may batang katulad niya malakas na palang kumain at tuloy gagayahin niya ito. Pero huwag mo naman siyang piliting gumaya kaagad. Lahat ng pagbabago ay dahan dahan ang importante ay nakita niya ito.

5. Gawing masaya ang hapag kainan. Bawal ang mga sigawan at awayan. Nakawala po ito ng gana para sa kumakain.

6. Yung mga gulay na ayaw niya pero alam mong importante, pwede mong tadtarin ng pino at ihalo ng konte sa kanin o sa ulam para di gaanong mahalata.

7. Gawing attractive ang gulay. Kunwari yung caulifower gawing itsurang fried chicken. Marami sa youtube ang paraan kung papaano gawin ito.

8. Tangapin ang katotohanan na merong mga batang mapili sa pagkain. Ang dila o ang panlasa ng isang tao ay namamana rin. Baka ikaw o ang asawa mo nung bata pa kayo ay mapili rin at mahirap ring paka-inin pero tingnan mo naman ang nangyari sayo ngayon? Diba lumaki ka rin at naging palakain ka na rin? Ganoon din ang mangyayari sa iyong anak, babago rin yan at lalakas ring kumain. Kaya relax lang. Wag lang parating pagalitan. Huwag din parating ikumpara sa ibang bata na malakas kumain dahil baka ang lahi din nila ay malakas kumain kahit bata pa. May taong masyadong nasasarapan sa ampalaya meron ding para sa kanya ay ito ay lasang parusa. Di niya kasalanan yun, nasa lahi din yun.

9. Paminsan minsan epektibo rin ang Vitamins na may Buclizine dahil ito ay appetite stimulant pero limit lang po yan sa dalawang buwan tapos papalitan niyo naman ng Vitamins na walang buclizine. Pero uulitin ko paminsan minsan lang epektibo ito, sundin mo pa rin ang iba pang nakasulat dito.

10. Ang bata po ay may tinatawag na natural na “hunger centre” at “thirst centre” sa utak na yun ang nagsisgnal sa ating katawan na humanap na ng tubig at pagkain dahil konte na ang tubig at sustansya ang nasa katawan natin. Inilagay ng Diyos yan sa ating katawan upang tayo ay mabuhay. Di kailangan na pilitin siya na kumain at uminum. Magtiwala ka rin na gumagana ang mga thirst and hunger centers na yan.

pansit-pansitan

Ang pansit-pansitan ay isang karaniwan at maliit lamang na halaman na karaniwang tumutubo sa mga tabi-tabi at bakanteng lupa. Ito ay itinuturing na damong ligaw (weeds) sa maraming lugar. Ito ay may dahon na hugis puso, malambot na mga sanga at may maliliit na mga buto na nakadikit sa isang sanga. Ang halaman ay karaniwan sa buong bansang Pilipinas pati na sa iba pang mga bansa sa buong mundo. Maaari ding kainin ang halaman bilang gulay.
ANO ANG MGA SUSTANSYA AT KEMIKAL NA MAAARING MAKUHA SA PANSIT-PANSITAN?
Ang iba’t ibang bahagi ng halamang pansit-pansitan ay maaaring makuhanan ng maraming uri ng kemikal at sustansya na maaaring may benepisyo sa kalusugan:
* Ang mga sanga ng halaman ay may taglay na carbohydrates, alkaloids, tannins, flavonoids, steroids, at triterpenoids.
* May taglay din na mga mineral, bagaman mababa lamang, tulad ng manganese, iron, zinc at copper, sa dahon ng pansit-pansitan. Ngunit mataas naman ito sa sodium.
ANONG BAHAGI NG HALAMAN ANG GINAGAMIT BILANG GAMOT, AT PAANO GINAGAMIT ANG MGA ITO?
Maaaring gamitin bilang gamot ang ilang bahagi ng halaman tulad ng:
* Dahon. Karaniwang ginagamit sa panggagamot ang dahon ng pansit-pansitan. Kadalasang inilalaga ito at pinapainom sa may sakit.
* Sanga. Ang sanga ay karaniwang hinahalo din sa paglalaga ng mga dahon at pinaiinom din sa may sakit.
ANO ANG MGA SAKIT AT KONDISYON NA MAAARING MAGAMOT NG PANSIT-PANSITAN?
1. Rayuma. Mabisa laban sa nanakit na mga kasukasuan dahil sa rayuma ang pag-inom sa pinaglagaan ng dahon ng pansit-pansitan. Ang pagkain mismo sa dahon at sanga ng pansit-pansitan na parang gulay ay mabisang pang-alis sa kondisyong nararamdaman kaugnay ng rayuma.
2. Urinary Tract Infection (UTI). Pinapainom naman ng pinaglagaan ng dahon ang taong dumadanas ng impeksyon sa daluyan ng ihi.
3. Hindi pantay na kutis ng balat. Ang pagkakaroon ng kaibahan sa kulay ng kutis ay maaaring banlawan gamit ang pinaglagaan ng dahon ng pansit-pansitan.
4. Pigsa. Ang pigsa naman ay maaaring matulungan ng pagtatapal ng dinikdik na dahon at sanga ng pansit-pansitan.
5. Iritasyon sa mata. Ipinangpapatak sa mata na dumadanas ng iritasyon o implamasyon ang katas ng dahon at sanga ng pansit-pansitan.
6. Mataas na cholesterol. Nakatutulong din sa pagpapababa ng cholesterol sa dugo ang pagkain sa mga dahon ng pansit-pansitan.
7. Tagihawat. Para naman sa kondisyon ng pagtatagihawat, pinangtatapal sa apektadong bahagi ng balat ang dinikdik na dahon at sanga ng pansit-pansitan.